Kreut të Lëvizjes Vetëvendosje Albin Kurtit nuk do t’i lejohet kandidimi për deputet të Kuvendit të Kosovës, shkruan Kosova Post.
Kurti ishte dënuar në janar të vitit 2018 për dy vepra penale: përdorim të armës apo mjetit të rrezikshëm dhe për pengim të personit zyrtar gjatë kryerjes së detyrës zyrtare.
Me këto vepra përshkruheshin veprimet e Lëvizjes Vetëvendosje për hedhjen e gazit lotsjellës në Kuvendin e Kosovës në vitin 2015, si pasojë e të cilave, liderit të LVV-së i është pamundësuar kandidimi në listë zgjedhore.
Bazuar në të gjeturat e KGJK-së, përveç Kurtit janë edhe 46 kandidatë të tjerë të cilët kanë probleme me ligjin.
