Zvicra e ka siguruar kualifikimin në fazën tjetër ndaj Serbisë për herë të dytë radhazi pasi e eliminoi mbrëmë me rezultat 3-2, raporton KosovaPost.
Helvetikët u kualifikuan në 1/8 e finales së Kupës së Botës. Krahas fitores së Zvicrës në ndeshjen e mbrëmshmë një vëmendje të madhe e kishte edhe përleshja që ndodhi mes futbollistit Grani Xhaka dhe ekipit serb.
Në momentin e përleshjes, njëra nga futbollistet serb e shtyu fuqishëm Granit Xhakën, i cili më pas reagoi ashpër dhe në këtë moment mblidhet turma e dy ekipeve futbolliste, ku në ato momente futbollistët serb nuk i menjanojnë reagimet jo edhe të mira.
Lidhur me këtë kishte reagime të shumta nga figura publike, një reagim e ka bërë edhe profesori universitar dhe njëherësh edhe ish-ushtari i Ushtrisë Çlirimtare të Kosovës, Blerim Latifi.
Përmes një postimi në faqen e tij në Facebok, ndër të tjera ka shkruar se i gjithë agresiviteti dhe racizmi i sotëm serb ndaj shqiptarëve e ka një shkak fundamental.
Postimi i plotë:
Përtej kapjes së një situate të tensionuar sportive, kjo fotografi shpreh gjithë thelbin e marrëdhënies tonë historike me serbët: dëshirën e tyre të papërmbajtur për të na shtypur e ngulfatur dhe përpjekjen tonë për t’u rezistuar, për të mos u gjunjëzuar para poshtërimit të tyre. I gjithë agresiviteti dhe racizmi i sotëm serb ndaj nesh, e ka një shkak fundamental: dështimin e projekteve tyre për ngulfatjen e shqiptarëve./KosovaPost/