Kryesia e Lidhjes Demokratike të Kosovës ka zhvilluar sot një takim.
Kryetari Lumir Abdixhiku ka thënë se nga ky takim është konstatuar se Kosova ka bërë lëshime të mëdha në dialog.
Sipas LDK-së, këto lëshime po shndërrohen në kushte obligative integruese për vendin, adaptimi me të cilat do të jetë sa i pashmangshëm aq edhe sfidues.
“Sot, mbajtëm mbledhjen e radhës së Kryesisë së Lidhjes Demokratike të Kosovës. Diskutuam për zhvillimet e fundit politike në vend, me theks të veçantë mbi temën e dialogut dhe lëshimet e mëdha të bëra në këtë proces. Këto lëshime, përveç se humbje e një mundësie për avancim substancial të pozicionit shtetar të Kosovës, tashmë po shndërrohen dhe në kushte obligative integruese për vendin tonë; adaptimi me të cilat do të jetë sa i pashmangshëm aq edhe sfidues”, ka shkruar Abdixhiku.