Presidenti i Turqisë, Recep Tayyip Erdogan njoftoi se me kërkesë të qytetarëve kanë marrë vendim që hapjen e urës “Çanakkale 1915” ta bëjnë më 18 mars në përvjetorin e Fitores së Çanakkalasë, transmeton Kosova Post.
Në një deklaratë nga llogaria në Twitter, presidenti Erdogan tha: “Me kërkesë të qytetarëve tanë kemi vendosur që hapjen e urës ‘Çanakkale 1915’ ta realizojmë më 18 mars në përvjetorin e Fitores së Çanakkalasë. Ndërtimin e urës e kemi përfunduar për 1.5 vite përpara planit dhe të cilën e kishim planifikuar që hapjen ta bënim më 26 shkurt për ta vendosur në shërbim të popullit tonë sa më parë”.