EA Sports ka njoftuar se David Beckham do të jetë në kopertinën e videolojës FIFA dhe do të jetë i disponueshëm si “ikonë” nga 4 dhjetori. Gjithashtu, FIFA 21 do të quhet FIFA 21 Beckham Edition.
Për të bindur ish-mesfushorin e kombëtares angleze, Manchester United, Real Madrid, Milan dhe PSG që të kthehet në kopertinën e një videoloje 23 vite pas shfaqjes së tij të fundit në FIFA, ka qenë shumë e kushtueshme.
Pas lidhjes së tij të gjatë me rivalët e Pro Evolution Soccer, mendohet se Beckham ka firmosur për 30-40 milionë stërlina për 3 vite. Që do të thotë se legjenda e futbollit do të paguhet rreth 256 000 stërlina në javë, ndërkohë që kur luante për Manchester United fitonte 100 000 stërlina në javë.
Një provë tjetër kjo e fuqisë mediatike që zotëron David Beckham, edhe pse ka disa vite që e ka lënë futbollin e luajtur.
