Ministri i Mbrojtjes, Armend Mehaj, me anë të një postimi në Facebook, ka bërë të ditur se në kuadër të vizitës zyrtare në Turqi,ka zhvilluar takim me Presidencën e Industrisë së Mbrojtjes, përcjell KosovaPost.
Në këtë takim, Mehaj ka bërë të ditur se kanë nënshkruar marrëveshje ndërmjet dy shteteve për furnizimi me artikuj dhe produkte për shërbime të mbrojtjes nga ana e Turqisë.
“Presidencën e Industrisë së Mbrojtjes e njoftova me synimin e Kosovës për Integrimin Euro-Atlantik dhe anëtarësim në NATO. Në këtë proces mbështetja Republikës së Turqisë për Republikën e Kosovës është tejet e rëndësishme”, ka thënë Mehaj.
“Nga ana e tij, Demir ishte falënderues për bashkëpunimin dhe për konkretizimin e këtij bashkëpunimi me marrëveshje shtet me shtet”.
