Të ndjekësh ideale me vlera dhe kuptim për të ardhmen, zakonisht është sipërmarrje jo fitimprurëse. Ai që ecë nëpër rrugë të tilla, shumë rrallë kuptohet nga masat e popullit, të cilat mendojnë se treguesit më bindës të vlerave politike janë buka dhe qumështi, e jo planet afatgjata. Natyrisht, realizimi i këtyre të fundit gjithnjë vjen me vonesë dhe dobitë mund të vilen vetëm nga pasardhësit.
Shkruan: Korab Blakaj
Nisur nga një farë fodulleku, i cili ka gjithmonë lidhje gjaku me mungesën e zgjuarsisë, politikanët janë të prirur t‘i shmangin këto skema që kanë lidhje me të ardhmen, për shkak të vështirësisë për t‘i zbatuar në praktikë dhe përpiqen t‘i shmangin pareshtur ato me qëllim që të mos humbin mbështetje të menjëhershme të turmave.
Rëndësia dhe suksesi i këtyre politikanëve i përket vetëm së tashmes, pa asnjë ndikim mbi të ardhmen, dhe i gëzon vetëm njerëzit mendjengushtë!
Pozicioni që mban filozofi krijues politik, është krejt i ndryshëm. Rëndësia e punës së tij duhet të gjykohet gjithmonë nga pikëpamja e së ardhmes, atë e përshkruajnë shpesh me emrat: i huaj, ëndërrimtar, naiv etj. Ndërsa aftësia e politikanit ka të bëjë me zotërimin e artit të së mundurës, themeluesi i një sistemi politik u përket atyre që i lutën Zotit vetëm sepse dëshirojnë dhe kërkojnë të pamundurën. Atyre u duhet të heqin dorë nga fama e përkohshme por nëse idetë që kanë dhënë bëhen të pavdekshme, atëherë brezat e ardhshëm do t‘u dhurojnë terë mirënjohjen.
Midis periudhave të gjata të emancipimit njerëzor, mund të ndodhë rastësisht që politikani praktik dhe filozofi politik të jenë i njëjti person. Sa më i ngushtë të jetë ky bashkim, aq më të mëdha mund të jenë pengesat në veprimtarinë e politikanit. Një njeri i tillë nuk punon për të kënaqur kërkesat e atyre me horizont të ngushtë, por ecën drejt qëllimeve që vetëm pak i kuptojnë. Kundërshtimet e bashkëkohësve që nuk e kuptojnë, bien ndesh me mirënjohjen e brezave të ardhshëm për të cilët punon! Njerëz të tillë të mëdhenj janë vetëm maratonomakët e historisë.
Protagonistët e vërtetë janë ata që luftojnë për idetë dhe idealet. Kujtimi i këtyre burrave do të ndriçojë përgjithmonë zemrat e brezave që po vijnë. Veçanërisht gjatë ditëve të errëta të mjerimit, njerëz të tillë kanë fuqi të shërojnë zemrat e thyera dhe të lartësojnë shpirtin e dëshpëruar të popullit.
Ajo për të cilën duhet të luftojmë është siguria e duhur për ekzistencën, shtimin e racës dhe popullit tonë, mbijetesa e bijve dhe bijave të tij, ruajtja e pa përzier e trungut tonë kombëtar, e lirisë dhe pavarësisë së atdheut, në mënyrë që njerëzit tanë të jenë në gjendje të përmbushin misionin e caktuar nga Krijuesi.
Për mua dhe për nacionalistët e vërtetë, ka vetëm një doktrinë filozofike politike: Kombi dhe Atdheu.
