Politika e jashtme e kryeministrit shqiptar Edi Rama është fokusuar drejt Turqisë dhe Greqisë.
Pas një vizite dy ditore në Ankara dhe marrëveshjeve të arritura me Presidentin turk Erdogani, kreu i qeverisë shqiptare do të udhëtojë të premten drejt Athinës.
Burime për RTV Ora bëjnë me dije Rama do të takojë Kryeministrin Mitsotakis dhe ministrin e jashtëm grek gjatë së premtes, 8 janar 2020.
Trekendëshi Shqipëri- Turqi- Greqi ka në qëndër çështjen e delimitimit të kufirit detar mes tre shteteve.
Strategjia “vëllazërore” Rama-Erdogan është parë me skepticizëm nga mediat greke, duke e cilësuar Greqinë si “armik” të përbashkët të dy liderve.”
Ende nuk ka asnjë informacion se çfarë është diskutuar në takimin kokë më kokë mes kryeministrit Rama dhe Presidentit Erdogan, por ajo çfarë dihet është se Shqipëria ka ende të hapur çëshjten e kufirit detar me Greqinë.
Fqinji ynë jugor ka nisur përgatitjet për mbylljen e gjireve të saj në detin Jon, ndërsa qeveria shqiptare ende vijon ta shoqërojë këtë proces me mungesë të transparencës.