Kapiteni i Barcelonës, Lionel Messi, mund të transferohet te Chelsea. Ky është lajmi më i fundit që vjen nga Spanja dhe është eksperti i La Liga, Guillem Balague, ai që zbulon gjithçka. Kujtojmë se argjentinasi e kërkoi që në verë largimin nga katalanasit, por pas konflikteve me drejtuesit ai vendosi të qëndrojë.
“Patjetër që Chelsea është një nga pretendetentët që mund ta transferojnë Messin. Kjo është mëse e vërtetë. A do ta provojë sërish City? Po, pse jo. Tashmë nuk ka asnjë tarifë për të paguar për të dhe ata janë të gatshëm t’a paguajnë rrogën e majme që Leo ka. Ky është minimumi që ata mund të bëjnë”, deklaron spanjolli.
Mesa duket 33-vjeçari do ta respketojë kontratën aktuale, që mbaron në fundin e këtij sezoni. Koha e Barcelonës për të rinovuar me yllin e saj po mbaron dhe në janar ai do të ketë mundësinë të negociojë me klube të ndryshme. Zërat se karriera e Messit mund të vazhdojë tek Chelsea ekzistojnë që në verë. /abcnews.al
