Akualisht është duke u mbajtur seancë e jashtëzakonshme në Kuvendin e Republikës së Kosovës, ku deeputetët e Kuvendit të Kosovës kanë filluar të debatojnë lidhur me paralajmërimet për shtrenjtimin e energjisë elektrike, shkruan KosovaPost.
Debati parlamentar vjen pasi Zyra e Rregullatorit për Energji (ZRRE) ka njoftuar se do të shqyrtojë tarifat e energjisë elektrike, në bazë të kërkesës së Operatorit të Sistemit të Shpërndarjes KEDS dhe Furnizuesit për Shërbim Universal për Energji Elektrike KESCO.
Deputeti nga rradhët e PDK-së tha se ka qenë dashur që të ndalet energjia elektrike, që të ndizet Qeveria.
“U desht me u nalë rryma, që me u dhezë kjo Qeveria jonë”.
“Kjo krizë që nga gushti na ka kërsitë në derë.”, shtoi ai.
Tutje, Mimoza Kusari Lila, iu përgjigj deputetit nga rradhët e Partisë Demokratike të Kosovës duke shtuar se partitë opozitare po mundohen që të manipulojnë me opinionin e masën publike.
“Opozita nuk don me diskutu për rrymë”
Tutje ajo shtoi se nuk ka propozim për ngritje të çmimit të energjisë elektrike ende.
