Rruga Prishtinë-Gjilan dhe anasjelltas është shumë problematike.
Problemet që po u shkaktohen qytetarëve përgjatë kalimit në këtë rrugë janë të mëdha.
Madje në kuadër të kësaj rruge ka pasur edhe rritej të numrit të aksidenteve.
Në lidhje me gjendjen e kësaj rruge është deklaruar ministri i Infrastrukturës, Liburn Aliu.
Gjatë deklarimit në Kuvend, ministri Aliu tha se më 31 mars kanë arritur marrëveshje me një kompani për mirëmbajtjen e plotë të kësaj rruge.
“Segmenti është mirëmbajtur deri në Llabjan nga një kompani, tani kompania tjetër mirëmban pjesën tjetër. Përveç gropave në zonën e Liqenit të Badocit ka edhe rrëshqitje të dheut”,tha ministri.
Po ashtu ai tha se tani do të ketë sanim gjithëpërfshirës, përfshirë gropat dhe dheun që rrëshqet.
Aliu ka përmendur se do të ketë ndërhyrje edhe në urën që ndodhet te liqeni.
