Ministria e Mbrojtjes njofton se në kuadër të Forumit Ndërkombëtar të Sigurisë në Halifax, ministri i Mbrojtjes, Ejup Maqedonci, ka zhvilluar takime bilaterale me ministrin e Mbrojtjes së Estonisë, Hanno Pevkur, si dhe me ministrin e Mbrojtjes Kombëtare të Lituanisë, Arvydas Anušauskas, përcjell KosovaPost.
“Në takim me homologun e tij estonez, në mes të tjerash u diskutua për bashkëpunimin në fushën e sigurisë dhe mbrojtjes dhe mundësinë e nënshkrimit të marrëveshjes së bashkëpunimit bilateral në të ardhmen’, thuhet në njoftim.
Ndërsa, në takim me ministrin e Mbrojtjes të Lituanisë, Arvydas Anušauskas, u diskutua edhe lidhur me përpjekjet e përbashkëta për përpjekjet e përbashkëta të ofrimit të ndihmës ndaj Ukrainës në kuadër të koalicionit të deminimit të Grupit të Kontaktit për Mbrojtjen e Ukrainës. Gjithashtu u dakorduan për edhe për thellimin e bashkëpunimit në mes të dy shteteve në fushën e mbrojtjes, me theks të veçantë në fushën edukimit dhe trajnimit reciprok.
Në të dy takimet ministri Maqedonci mori përkrahje për anëtarësimin e Kosovës në strukturat Euro-Atlantike.
