Ministri Jevetiç e përshëndetë lirimin e të akuzuarit për krime lufte në Kosovë

Ministri Jevetiç e përshëndetë lirimin e të akuzuarit për krime lufte në Kosovë

Bogdan Mitroviç, 74 vjeçari i arrestuar më 28 gusht në Suharëkë për krime lufte në Kosovë është liruar gjatë ditës së djeshme.

Mitroviç ishte arrestuar në vitin e kaluar gjatë një vizite të një grupi të Serbëve në Kosovë në shtëpitë e tyre, transmeton lajmi.net.

Avokati  i tij, Dejan Vasiç, kishte deklaruar se Mitroviç ishte arrestuar nga dëshmia e vetëm një personi nga Kosova duke e cilësuar si të pabazë arrestimin e tij.

Ndërkaq Ministri për Kthim dhe Komunitet në Republikën e Kosoves gjatë ditës së sotme e ka mirëpritur lirimin e të akuzuarit për krime lufte në Kosovë.

Në një intervistë për një medium Serb, Jevtiç ka deklaruar se lirimi i Mitroviç është një lajm i mirë dhe një sinjal se ai nuk duhet të dorëzohet, mirëpo sipas tij kjo nuk nënkupton se nuk do të ndodhin edhe arrestime të tilla në të ardhmen.

“Ne e dinim dhe ishim të bindur që nga fillimi se Mitroviç nuk ishte fajtor dhe ne përshëndesim lirimin e tij, ky është lajmi më i mirë që nga fillimi i vitit të ri, kjo nuk nënkupton që nuk do të ndodhin edhe arrestime të tilla në të ardhmen, mirëpo ne do të punojmë në këtë drejtim që gjëra të tilla të mos përsëritën më” deklaroi Jevtiç për lirimin e të akuzuarit për krime lufte.

Edhe shefi i zyrës për Kosovën në Serbi ,Maro Gjuriq, e ka quajtur hero tashmë të liruarin, Mitroviç.

“Ai është një hero, dhe një person që nuk hoqi dorë asnjëherë nga prona e tij në Kosovë, ai është një shembull për të gjithë ne” deklaroi Gjuriq.

Mitroviç, gjatë ditës së sotme ka mbërritur në Serbi, ku është pritur si një hero. /lajmi.net/