Përmes një komunikate për media, Ministria e Shëndetësisë në Qeverinë e Republikes së Kosovës, ka bërë të ditur se i pari këtij institucioni, përkatësisht ministri Rifat Latifi, mëngjesin e sotëm, ka qenë për vizitë në Klinikën Infektive në QKUK, transmeton Kosova Post.
Minsitri Latifi, fillimisht atje ka takuar ekipin kujdestar të 24 orëshit të fundit, me të cilët bisedoi për përkitazi me pacientet që po trajtohen në atë klinikë.
Më tutje, sipas njoftimit, minsitri i ka i falënderuar ekipet për punën që po bëjnë, dhe së bashku edhe me drejtorin e SHSKUK, Valbon Krasniqi dhe drejtorin e Klinikës Infektive, Arben Vishaj kanë biseduar për organizimin e punës në frymën e rritjes së rasteve me Covid-19 dhe gatishmërinë për t’u ballafaquar në rast të rritjes së rasteve.
“Ai u informua për numrin e rasteve që kanë marrë trajtim gjatë 24 orëshit të fundit dhe ecurinë e tyre”, thuhet në njoftim,
Ndryshe, ditën e mërkurë në Kosovë janë konfirmuar 2050 raste të reja me coronavirus.
MSH u ka bërë thirrje qytetarëve që të respektojnë masat anti-COVID, duke njoftuar se carianti Omicron i coronavirusit tanimë është bërë variant dominues në qarkullim.
