Ministri i Mbrojtjes i Kosovës, Armend Mehaj, i cili ka qëndruar për vizitë zyrtare në Turqi, ka bërë të ditur se e ka nënshkruar një marrëveshje me Turqinë për furnizim me produkte të mbrojtjes, me presidentin e Industrisë së Mbrojtjes së Turqisë, Ismail Demir, transmeton KosovaPost.
‘”Kjo marrëveshje ka rol të jashtëzakonshëm në ngritjen e kapaciteteve të Forcës së Sigurisë së Kosovës. Presidencën e Industrisë së Mbrojtjes e njoftova me synimin e Kosovës për Integrimin Euro-Atlantik dhe anëtarësim në NATO. Në këtë proces mbështetja Republikës së Turqisë për Republikën e Kosovës është tejet e rëndësishme’’, ka shkruar Mehaj në rrjetet sociale.
Në njoftimin e Ministrisë së Mbrojtjes së Kosovës bëhet e ditur se nga ana e tij presidenti Demir ka falënderuar Kosovën për bashkëpunimin dhe për konkretizimin e këtij bashkëpunimi me marrëveshje shtet me shtet.