Sot Ministrha e Drejtësisë, Albulena Haxhiu së bashku me përfaqësues nga EULEX dhe ambasadorë nga shtete anëtare të BE-së ka vizituar Burgun e Sigurisë së Lartë, transmeton Kosova Post.
Në vizitë ka shkuar edhe i pari i Komunës së Podujevës dhe përfaqësues nga EULEX-i.
Qëllimi i këtij aktiviteti ishte të njihen nga afër me funksionimin dhe shërbimin e këtij institucioni të rëndësishëm të sigurisë së lartë për të burgosurit.
Aktivitetet e tilla me partnerët ndërkombëtarë mbeten tejet të vlefshme në kuadër të bashkëpunimit konkret në një sërë çështjesh në domenin e drejtësisë në Kosovë.
Postimi i plotë:
Të nderuar që u pritëm sot nga Shërbimi Korrektues i Kosovës (SHKK) në Burgun e Sigurisë së Lartë në Podujevë dhe t’i informojmë përfaqësuesit e përfaqësive diplomatike të Shteteve Anëtare të BE-së në Kosovë për punën e EULEX-it.
Gjatë vizitës në këtë burg, të pranishmit u pritën nga Ministria e Drejtësisë, Albulena Haxhiu, e cila e falënderoi BE-në për mbështetjen e dhënë në rehabilitimin dhe trajtimin e të burgosurve, si dhe nga Zëvendësuesi i Drejtorit të Përgjithshëm të SHKK-së, Sami Gashi, i cili theksoi se Njësia Korrektuese e EULEX-it është partner strategjik ndërkombëtar për SHKK-në.
Duke folur para të pranishmëve, Shefi i Bashkimit Evropian në Kosovë/Përfaqësuesi Special i BE-së, Tomáš Szunyog, e nënvizoi rolin e BE-së në bashkëfinancimin e ndërtimit të këtij burgu. Nga ana tjetër, Shefi i EULEX-it, Lars-Gunnar- Wigemark, theksoi se burgu i sigurisë së lartë është një institucion korrektues i nivelit të lartë, duke e theksuar mbështetjen e EULEX-it për SHKK-në përmes monitorimit, mentorimit dhe këshillimit.
Njësia Korrektuese e EULEX-it është partner i besueshëm dhe i kahershëm i Shërbimit Korrektues të Kosovës (SHKK). Falë ekspertizës unike të tij në mentorim, monitorim dhe këshillim, Misioni ofron mbështetje të vazhdueshme në:
✅ Ofrimin e vlerësimit dhe rehabilitimit të qëndrueshëm të burgosurve në një mjedis të sigurt
✅ Zhvillimin e një ekipi profesional të drejtuesve të lartë
✅ Ofrimin e ekspertizës për të ndihmuar në zhvillimin e kuadrit ligjor.
Vizita përfundoi me një vizitë nëpër objekt dhe me një prezantim të shkurtë për funksionimin e burgut nga Ushtruesi i Detyrës së Drejtorit të tij, Xhevdet Maqastena.
