Që kur është zyrtarizuar si lojtar i klubit italian, Lazio, sulmuesit kosovar, Vedat Muriqi nuk i kanë shkuar gjërat në mënyrën më të mirë, shkruan KosovaPost.
Problem konsiderohet të jetë edhe mosinkuadrimi i sulmuesit, ku pothuajse as 3 ndeshje nuk i numëron si titullar.
Megjithatë, Muriqi ishte titullar ndeshjen e fundit të Lazio, ndaj Udinese, por që nuk arriti të gjejë golin për 70 minuta.
Sulmuesi i Lazio vazhdon të jetë i lidhur me disa skuadra të Anglisë, por tani një ‘pistë’ e re është shfaqur
Bëhet fjalë për skuadrën franceze, Saint-Etienne që e ka bërë prioritet nënshkrimin me Muriqin në këtë afat dimëror.
Dy probleme kryesore mbesin që të arrihet marrëveshja, fillimisht Muriqi ka kontratë me Lazion deri në vitin 2025 dhe klubi italian kërkon para që ta lejojë huazimin.
Ndërsa, problemi i dytë është kërkesat e Lazios që do jenë të larta, duke marrë parasysh se kosovarin e duan edhe klubet si Leeds United, Hull City dhe Fenerbahce.
Në ditët e ardhshme pritet të takohen Saint-Etienne me Lazion për të parë nëse do arrijnë marrëveshje dhe në rast që nuk gjejnë ‘gjuhën e përbashkët’, atëherë francezët do fokusohen te sulmuesi i Rapid Viennas, Ercan Kara.
