Mustafa përkujton Tahir, Enis e Hasan Zemajn, kërkon drejtësi për vrasjen e tyre

Janë bërë 18 vjet që nga vrasja e kolonel Tahir Zemajt bashkë me dy djemtë e tij, Enis dhe Hasan Zemaj.Ndërsa në këtë përvjetor të tyre, ata i ka përkujtuar kryetari i LDK-së, Isa Mustafa, shkruan Kosova Post.

Duke kujtuar veprat e veprimtarëve të LDK-së, Mustafa ka thënë se “Më 4 janar të vitit 2003 Kosova u trondit nga një ngjarje e tmerrshme, nga vrasja e Kolonel Tahir Zemajt, djalit të tij Enisit dhe Hasan Zemajt, kryetar i FRLDK-së në Deçan”.

Tutje ksa shkruar Mustafa në Facebook se Tahir Zemaj, ishte një profil i lartë ushtarak, i shkolluar dhe shumë i përgatitur për taktika lufte, të cilat i jetësoi duke u inkuadruar në Ushtrinë Çlirimtare të Kosovës”, ka shkruar Mustafa.

Gjithashtu Mustafa tha se Tahir Zemaj pas vetes afroi djemtë më të mirë të Dukagjinit, me idealin e vetëm, çlirimin e Kosovës

Ndërsa kur po bëhen afro 2 dekada prej vdekjes së tyre, Mustafa ka kërkuar që drejtësia të vihet në vend dhe kriminelët të marrin dënimin e merituar.

Postimi i plotë i Mustafës:

Më 4 janar të vitit 2003 Kosova u trondit nga një ngjarje e tmerrshme, nga vrasja e Kolonel Tahir Zemajt, djalit të tij Enisit dhe Hasan Zemajt, kryetar i FRLDK-së në Deçan.

Tahir Zemaj, ishte një profil i lartë ushtarak, i shkolluar dhe shumë i përgatitur për taktika lufte, të cilat i jetësoi duke u inkuadruar në Ushtrinë Çlirimtare të Kosovës.

Ai pas vetes afroi djemtë më të mirë të Dukagjinit, me idealin e vetëm çlirimin, e Kosovës.

Kolonel Tahir Zemaj, ishte një veprimtar i shquar i çështjes kombëtare, aktivist dhe i pandalshëm dhe njeri i afërt i presidentit historik të Kosovës, dr. Ibrahim Rugova.

Për vrasjen tronditëse tash e gati dy dekada nuk dihet asgjë, ndërsa ne si LDK, familjarët dhe të gjithë miqtë dhe bashkëpunëtorët e tyre kërkojmë që kriminelët të dalin para drejtësisë dhe të marrin dënimin e merituar.

Sot, në 18 vjetorin e vrasjes makabre të Kolonel Tahir Zemaj, djalit të tij Enisit dhe Hasan Zemajt, ne si Lidhje Demokratike e Kosovës i kujtojmë me nder dhe krenari këta protagonistë të çështjes kombëtare.

Lavdi jetës dhe veprës së Kolonel Tahir Zemaj, Enis Zemaj dhe Hasan Zemaj!.