Kryetari i Bashkësisë Islame të Kosovës, Myftiu Naim ef. Tërnava, përmes një postimi në Facebook ka bërë të ditut se ka takuar ambasadorin joresident të Belgjikës, Frédéric Meurice, përcjell KosovaPost.
“Myftiu Tërnava i uroi mirëseardhje ambasadorit Meurice dhe më pas e njohu mysafirin me punët dhe angazhimin e institucionit të Bashkësisë Islame të Kosovës, si dhe me sfidat që ballafaqohet ky institucion” thuhet në njoftim.
Postimi i plotë:
Kryetari i Bashkësisë Islame të Kosovës, Myftiu Naim ef. Tërnava, priti sot në takim ambasadorin joresident të Belgjikës, z. Frédéric Meurice.
Myftiu Tërnava i uroi mirëseardhje ambasadorit Meurice dhe më pas e njohu mysafirin me punët dhe angazhimin e institucionit të Bashkësisë Islame të Kosovës, si dhe me sfidat që ballafaqohet ky institucion.
Myftiu Tërnava falënderoi shtetin e Belgjikës për ndihmën dhe kontributin e vazhdueshëm dhënë për ngritjen e institucioneve të Kosovës.
Nga ana e tij, ambasadori z. Frédéric Meurice, shprehu falënderime për pritjen dhe njëherësh përgëzoi Myftiun Tërnava dhe Bashkësinë Islame të Kosovës për kontributin e tyre që në Kosovë të mbretërojë paqja, respekti e toleranca ndërmjet besimeve dhe etnive të ndryshme.
Dy palët u dakorduan që edhe më tej të vazhdojnë bashkëpunimin në të mirë të Kosovës.