NATO po diskuton nevojën për të forcuar kufijtë lindorë me Rusinë duke përqendruar pajisje dhe një kontingjent ushtarak prej deri në 300,000 ushtarë, gjë që duhet të pengojë Rusinë të zgjerojë luftën përtej Ukrainës.
Kështu shkruan Yahoo News, duke u bazuar në nëj shkrim të “Politico”, sipas të cilit NATO synon të ndalojë Rusinë nëse vendos ta zgjerojë luftën përtej Ukrainës, përcjell Telegrafi.
Për shkak të kësaj, Aleanca po flet për forcimin e kufijve të saj lindorë dhe nevojën për të dërguar deri në 300,000 trupa në kufi, thuhet në shkrimin të cilit jehonë i ka bërë edhe www.pravda.com.ua.
Veprime të tilla do të kërkojnë koordinim dhe përpjekje të mëdha nga 30 anëtarët e NATO-s për të siguruar ushtarë, objekte trajnimi, sasi të mëdha armësh, pajisje dhe municione.