Opozitari rus Alexei Navalny , i njohur si kritiku i Kremlinit, është dërguar në zonën e internimit për ta vuajtur dënimin.
Kështu ka bërë të ditur agjencia e lajmeve RIA e Rusisë, duke cituar një komision publik që i mbron të drejtat e të burgosurve rusë, shkruan Reuters, transmeton Klan Kosova.
Navalny, i cili u dënua me më shumë se dy vjet e gjysmë burgim për shkelje të lirimit me kusht [të cilin ai e quan të shpikur], u transferua në kamp internimi në rajonin Vladimir.
Ai do të vendoset në karantinë përpara se të bashkohet me të burgosurit e tjerë.
Navalny do ta vuajë dënimin në koloninë penale numër 2 në qytetin Pokrov në rajonin Vladimir, 100 km (60 milje) në lindje të Moskës, njoftoi të dielën agjencia e lajmeve TASS, duke cituar mediat lokale dhe një burim të paemëruar.
Sqarim: Koloni penale është një vendbanim që përdoret për të internuar të burgosurit dhe për t’i ndarë ata nga popullata e përgjithshme duke i vendosur në një vend të largët, shpesh në një ishull ose territor të largët kolonial.