Policia e Kosovës ka njoftuar për një plagosje aksidentale në Gjilan.
Sipas policisë, një fëmijë nga pakujdesia e ka shkrepur armën e llojit pushkë ajrore dhe e ka qëlluar babanë e tij.
“I dyshuari mashkull kosovar ka pranuar trajtim mjekësor pasi që i njëjti derisa ka qenë duke e pastruar armën (pushkë ajrore, nuk posedon leje), nga pakujdesia dyshohet se fëmija i tij e ka shkrepur armën dhe ka qëlluar atë. Arma i është sekuestruar ndërsa me vendim të prokurorit, rasti vazhdon në procedurë të rregullt”, thuhet në raportin 24 orësh të Policisë së Kosovës.
