Në prag të zgjedhjeve, Haradinaj u adresohet qytetarëve, kërkon votën për President

Kreu i AAK-së i është drejtuar qytetarëve nëpërmjet një videomesazhi në profilin e tij në Facebook, ku kërkon besimin e popullit dhe zotohet se do punojë vetëm në interesin e vendit dhe popullit të Republikës së Kosovës, shkruan Kosova Post.

“Duke e pasur një President të qëndrueshëm, i cili përballet edhe me vendin fqinj tonë Serbinë, që ka qasje armike ndaj nesh, atëherë, ne jemi më të sigurtë. Asnjëherë, nuk kam shërbyer dhe nuk kam vendosur kundër interesit të vendit tim, pra çdo herë në jetën time kam qenë me interesin e Kosovës, me interesin e popullit të Kosovës. Kërkoj besimin tuaj, kërkoj votën tuaj, që të udhëheqë vendin, që të jemi presidenti juaj, presidenti i Republikës sonë”, ka thënë ai.

Adresimi i plotë:

Të dashur qytetarë të Kosovës, vëllezër dhe motra, në këto zgjedhje do të ndodhë rikonfigurim i skenës politike në Kosovë.

Që nga paslufta, që nga pavarësia, në Kosovë në etapa të ndryshme, kanë udhëhequr PDK dhe LDK, me të arriturat por edhe me gabimet e tyre.

Tani ju do të vendosni se kush do të udhëheqë në Kosovë.

Ashtu siç Qeveria që i ka përgjegjësitë e veta me rëndësi, edhe Presidenti i vendit ka përgjegjësi mjaft të rëndësishme.

Duke e pasur një President të qëndrueshëm, i cili përballet edhe me vendin fqinj tonë Serbinë, që ka qasje armike ndaj nesh, atëherë, ne jemi më të sigurtë.

Asnjëherë, nuk kam shërbyer dhe nuk kam vendosur kundër interesit të vendit tim, pra çdo herë në jetën time kam qenë me interesin e Kosovës, me interesin e popullit të Kosovës.
Kërkoj besimin tuaj, kërkoj votën tuaj, që të udhëheqë vendin, që të jemi presidenti juaj, presidenti i Republikës sonë.

Zoti e bekoftë Kosovën – ka përfunduar Haradinaj.