Takimi i radhës mes Kosovës dhe Serbisë nën ndërmjetësimin e BE-së i paraparë të mbahet në Ohër më 18 mars, mund të sjellë edhe delegacione të nivelit të lartë nga vendet e BE-së dhe SHBA-së.
Sipas analistit, Tomorr Avdija, sekretari amerikan, Antony John Blinken, kancelari gjerman Olaf Scholz dhe presidenti francez Emmanuel Macron mund të jenë të pranishëm në këtë takim nëse ka sinjale se mund të arrihet një marrëveshje.
Por, sipas tij kjo do të qartësohet pas takimeve që emisari i BE-së do t’i ketë në Kosovë më 9 e 10 mars, ndërsa më 13 e 14 mars do të jetë në Serbi.
Avdia në emisionin “InfoNata” në Tëvë1 ka thënë se këto takime të Lajçakut janë më të rëndësishme diplomatike.
“Është një nga takimet më të rëndësishme diplomatike që ka Lajçak, për arsye se ai pritet te marrë me vete përgjigjet për aneksin të cilin siç duket e kanë në dorë edhe drejtuesit e lartë të shtetit. Në Ohër pritet të zbarkojë sekretari amerikan i shtetit Blinken, kancelari Scholz dhe presidenti francez. Mund të ketë një marrëveshje në Ohër, por kjo pritet të sqarohet pas vizitave të Lajçakut”, ka thënë ai.
Avidija ka folur edhe për takimin e ambasadorëve të BE-së, të cilët pritet të votojnë për liberalizimin e vizave për Kosovën.
Sipas tij, ky është një votim rutin, i cili është një “karrot” nga BE pas pajtimit të Kosovës dhe Serbisë për propozimin evropian.
Ai tha se procesi i liberalizimit të vizave ka qenë i bllokuar nga veprimet politike.
“Këshilli i BE-së ka një votim rutinë, ku do të jetë një votim i ambasadorëve. Jemi në fazën 9-të dhe që të kaloj ky proces janë edhe pesë faza deri në miratimin zyrtarë”, ka thënë ai.
Avdija ka thënë se nga ky takim mund të ketë një datë zyrtare se kur qytetarët e Kosovës mund të lëvizin pa viza në vendet e BE-së
