Diego Carlos pritet të jetë goditja e tretë e Newcastle United në afatin kalimtar të janarit, përcjell KosovaPost.
Mbrojtësi brazilian ka shkëlqyer viteve të fundit në La Liga me fanellën e Sevillës, duke u bërë njëri nga mbrojtësit më të vlerësuar.
Newcastle e ka bërë prioritet nënshkrimin me mbrojtësin brazilian dhe përkundër se i janë refuzuar dy oferta nga Sevilla, ata do të tentojnë prapë ta bindin klubin andaluzian.
Mediat e ndryshime në Angli dhe Spanjë kanë raportuar se ‘Laraskat’ tanimë kanë arritur marrëveshje personale me lojtarin i cili është pajtuar me kushtet e klubit anglez.
28-vjeçari është pajtuar për një kontratë pesë vjeçare me Newcastlen, por që detajet financiare nuk janë bërë publike.
Nga ana tjetër pasi i janë refuzuar dy ofertat e para, Newcastle tani po shpreson se do të bëjë ofertën e duhur në drejtim të Sevillës për ta kompletuar transferimin e brazilianit në St James Park
