Analisti politik, Nexhmedin Spahiu në një prononcim për Kosovapost tha se sa i përket marrëveshjes së mbrëmshme asgjë nuk ka ndryshuar sa i përket sigurisë. Marrëveshja nuk është fort e qartë.
Tutje, ai tha se kjo marrëveshje mund të jetë vetëm shtyrje e një problemi për kohë të caktuar dhe jo diçka më shumë.
“Nëse nuk shkruan se Serbia obligohet me i dorëzu Kosovës regjistrin e veturave të regjistruara me KM që me e ditë se kur i kalon afati i regjistrimit secilës dhe me e përcjellë trendin e konvertimit të secilit automjet atëherë kjo është vetëm shtyrje e problemit edhe për një vit”, tha Spahiu.
Ndryshe, sipas marrëveshjes në fuqi, Kosova do të ndalojë masat për ndëshkimin e serbëve që bartin targa ilegale, ndërsa Serbia do ndalojë lëshimin e tyre pas skadimit të regjistrimit.