Në mbledhjen e sotme të Qeverisë së Kosovës, u morën vendimet e shumëpritura në lidhje me menaxhimin e pandemisë.
Sipas këtyre vendimeve, masat parandaluese janë obligim veçmas për marketet ushqimore dhe farmacitë si dhe shërbimet e gastronomisë. Të gjitha obligohen të pezullojnë aktivitetin e tyre nga data 6 prill deri me datë 18 prill.
Për sa u përket shërbimeve të gastronomisë, ato lejohen të punojnë vetëm me shërbim “merr me vete”, “dërgesë me porosi” dhe “drive-through”, ndërsa marketet e mbyllura ushqimore obligohen që të përcaktojnë numrin maksimal të konsumatorëve në të njëjtën kohë sipas rregullit – 1 person për 8m2.
“Ndalohet veprimtaria e qendrave të mbyllura tregtare përveç shërbimeve esenciale në kuadër të tyre siç janë marketet ushqimore dhe farmacitë nga data 6 prill deri më datë 18 prill, ndërsa në qendrat e hapura tregtare lejohet aktiviteti duke i respektuar masat dhe rekomandimet për kontrollin, parandalimin dhe luftimin e pandemisë COVID – 19” – thuhet në vendimin e qeverisë.
Po ashtu thuhet se “obligohen marketet e mbyllura ushqimore që të përcaktojnë numrin maksimal të konsumatorëve në të njëjtën kohë sipas rregullit – 1 person për 8m2. Marketet obligohen të shënojnë në hyrje numrin maksimal të konsumatorëve të lejuar në të njëjtën kohë”.
Në hotele dhe akomodime të ngjashme, shërbimi i pijeve dhe ushqimeve lejohet vetëm në dhoma.
Me masat e reja, po ashtu ndalohet veprimtaria e tregjeve publike të automjeteve dhe kafshëve. /KosovaPost/