Hysen Sogojeva, Kryetar i Odës së Hotelerisë dhe Turizmit në Kosovë, ka paralajmëruar se në ditët në vijim, mund të merren kundër-masa, si përgjigje ndaj vendimit të fundit të Qeverisë së Kosovës, shkruan Kosova Post.
Në një intervistë për Ekonomia Online, ai ka theksuar se pozicioni i tyre si odë, është për mbrojtjen e bizneseve dhe jo qeverisë.
“Ne gjithmonë kemi thënë që para se të merret një vendim është mirë me u konsultu me akterët të cilët e përfaqësojnë këtë veprimtari për me ardhë pastaj tek një vendim i pëlqyeshëm, dhe i cili kishte me qenë i favorshëm edhe për pjesën e mjekësisë por edhe këtë pjesën e bizneseve” – ka thënë ndër të tjera Sogojeva.
Ai ka thënë se nuk janë kundër Qeverisë Kurti, e aq më pak kundër vendimeve që ajo i nxjerr, por ato duhet të merren në bashkëpunim me palët relevante.
Droja e madhe sipas tij është se:
“Prej 12 mijë bizneseve, nëse vazhdohet me çfarëdo mase atëherë pasojat janë të mëdha”./KosovaPost/