Pas sulmit terrorist në Taksim, pati deklarata dhe pretendime se Turqia po përgatitej të organizonte një operacion tokësor në Siri, ndërsa nga mediat franceze erdhi një pretendim që do të përshkallëzonte tensionin, transmeton Kosova Post.
Ndërkohë që tensioni mes Turqisë dhe Sirisë po rritet dita-ditës, pretendohet se një lëvizje që do të rrisë tensionin vjen nga Rusia .
Sipas agjencisë franceze të lajmeve AFP, thuhet se Rusia po dërgonte mbështetje ushtarake në pika shumë afër kufirit Turqi-Siri. AFP e bazoi këtë pretendim te njerëzit që jetojnë në rajon dhe disa organizata.
Thuhet se Rusia së bashku me Iranin, e cila është pozicionuar përballë Ankarasë në Siri, ku kaosi dhe dhuna nuk mbarojnë, dërgoi mbështetje ushtarake për organizatat terroriste në veri të Aleppos. Njerëzit që jetojnë në Tal Rifat i thanë AFP-së se ushtarët rusë ndodhen në atë zonë.
ATA DËRGOJNË MBËSHTETJE NË BAZË AJRORE
Në Tel Rifat, grupet siriane të mbështetura nga Turqia kontrollojnë pjesën veriore të rajonit, ndërsa sirianët e mbështetur nga Rusia kontrollojnë pjesët jugore.
Observatori Sirian për të Drejtat e Njeriut, me seli në Angli, raportoi gjithashtu se ushtarët rusë rritën numrin e tyre në bazën ajrore pranë Tel Rifat nën kontrollin e administratës së Damaskut. Rami Abdel Rahman, i cili drejton observatorin, foli për AFP. “Dërgimi mbështetjes nga Rusia në rajon mund të jetë një hap i ndërmarrë për të ndaluar ose ngadalësuar operacionin e Turqisë”, tha Rahman./KosovaPost/
