Opozita siriane ka kapur të paktën 400 terroristë të ISIS-it

Opozita siriane ka kapur të paktën 400 terroristë të ISIS-it

Ushtria opozitare siriane ka kapur të paktën 400 terroristë të ISIS-it gjatë përleshjeve me pjesëtarët e kësaj organizate, të cilët përmes korridorit që ua hapi regjimi i Asadit synojnë të hyjnë në zonën e deeskalimit në qytetin e Idlibit.

Sipas informacioneve të gazetarit të AA-së nga rajoni, ushtria opozitare nisi operacion me të cilin ndaloi terroristët e ISIS-it, të cilët nga rajoni nën kontroll të forcave të Asadit synojnë të depërtojnë deri në Idlib.

Po ashtu mësohet se 12 grupe opozitare në kuadër të operacionit të quajtur “refuzimi i okupatorit”, neutralizuan një numër të madh të pjesëtarëve të ISIS-it në rajonet në jug dhe lindje të Idlibit, me çka i shkaktuan ISIS-it goditje të rëndë.

Zëdhënësi i operacioneve të përbashkëta të forcave opozitare Naci Abu Huzeyfe për AA konfirmoi se operacioni vazhdon, raporton aa.

“Gjatë operacioneve të sotme kapëm 400 pjesëtarë të ISIS-it, mes tyre rreth 80 të plagosur”, tha Huzeyfe.

Ai shtoi se në operacion janë përfshirë rreth 2.000 pjesëtarë të grupeve opozitare.

“Fillimisht formuam vijat mbrojtëse, më pas ndaluam depërtimin e terroristëve të ISIS-it. Pas kësaj i sulmuam. Morëm kontrollin mbi fshatrat Um Halahil, Huveyin dhe Ard Zerzur, në jug të Idlibit”, tha Huzeyfe, duke rikujtuar se përleshjet në këtë rajon janë intensifikuar gjatë disa ditëve të fundit.

Regjimi i Asadit dhe terroristët e ISIS-it tashmë një periudhë të gjatë zbatojnë bashkëpunim taktik kundër opozitës në zonën e deeskalimit të luftimeve në Idlib.

Regjimi në tetor të vitit 2017 hapi rrugë për terroristët e ISIS-it përmes Hunayfi, në lindje të Hama, për të ardhur në këtë qytet që është nën kontroll të opozitës.

ISIS-i dhe regjimi i Assadit, duke lëvizur në koordinim, ndërsa falë mbështetjes së Rusisë nga ajri, realizuan përparim kundër grupeve opozitare. /KosovaPost/.

Related Posts

You may also like

Remzie Osmani: Kam agjëruar gjithnjë, por angazhimet në dasma viteve të fundit ma kanë bërë të pamundur

Këngëtarja e njohur e muzikës popullore, Remzie Osmani,