Presidentja e Kosovës, Vjosa Osmani ka takuar në Stamboll, presidentin e Turqisë, Recep Tayyip Erdoğan, me të cilin ka diskutuar për rritjen e bashkëpunimit ndërmjet dy shteteve.
Siç ka njoftuar vetë presidentja Osmani në Facebook, ajo ka falënderuar presidentin turk për mbështetjen e vazhdueshme që po i jep Kosovës në periudhat më sfiduese për vendin.
“Sot në Stamboll, takova presidentin e Republikës së Turqisë, Recep Tayyip Erdoğan. E falënderova për mbështetjen e fuqishme për Kosovën, përfshirë në periudha të rënda e sfiduese për ne, si dhe e informova për zhvillimet e fundit në vendit tonë. Do të vazhdojmë të punojmë afër në mënyrë që ta rrisim bashkëpunimin mes vendeve tona e popujve tanë”, ka thënë Osmani.
