Nënkryetari i komunës së Prishtinës, Selim Pacolli ka përkujtuar masakrën e Reçakut, në 21 vjetorin e saj, masakër kjo e cila shënon pikën kulmuese të masakrave dhe krimit kundër njerëzimit të kryer nga shteti i Serbisë në Kosovë, shkruan Kosova Post.
Ai tutje shton se Reçaku ishte një tragjedi e cila shpalosi dhe zbuloi para syve të botës egërsinë e vërtetë të regjimit serb të udhëhequr nga kasapi i Ballkanit, Sllobodan Millosheviq në Kosovë.
“Regjimi serb ka kryer në Kosovë rreth 400 masakra kundër civilëve shqiptarë. Ka vrarë rreth 1300 fëmijë, kanë dhunuar rreth 20 mijë gra. Në të njëjtën kohë kemi rreth 13 mijë shqiptarë civilë të vrarë. Serbia ka kryer gjenocid në Kosovë dhe për fat të keq ende ata të cilët kanë kryer këtë krim kundër njerëzimit dhe gjenocidin nuk janë hetuar dhe nuk kanë dalë para drejtësisë”, thuhet tutje në postimin e Pacollit.
Sot përkujtojmë maskren e Reçakut, e cila shënon pikën kulmuese të masakrave dhe krimit kundër njerëzimit të kryer nga…
Gepostet von Selim Pacolli am Mittwoch, 15. Januar 2020
