Zjarri ka kapluar një ndërtesë në Prishtinë.
Në video shihet se si hyrja e kësaj ndërtese është kapluar tërësisht nga zjarri ndërkohë që lidhur me rastin kanë folur nga Policia e Kosovës.
“Sot rreth orës 18:00 është pranuar informata për një incident zjarri në një objekt banesor në rrugën “Muhamet Qami” në Prishtinë.
Policia ka dalë në vendin e ngjarjes , po ashtu edhe zjarrfikësit të cilët e kanë arritur të lokalizojnë zjarrin. Bazuar në të dhënat e deritanishme disa banorë janë duke u trajtuar nga ekipet mjekësore( kryesisht probleme që janë shkaktuar nga tymi). Për detaje të tjera do të njoftoheni me kohë”, ka thënë zëdhënësja e Policisë së Kosovës, Flora Ahmetaj për Gazetën Express.