Instituti Hidrometeorologjik të Kosovës (IHMK) ka bërë të ditur se java e ardhshme parashihet të jetë me kushte të paqëndrueshme meteorologjike, përcjell KosovaPost.
Sipas IHMK-së, kjo situatë meteorologjike rrjedh si pasojë e masave të lagështa të ajrit me origjinë perëndimore dhe jugperëndimore.
Po ashtu, parashihen rritje të temperaturave në të dy vlerat ekstreme, por edhe reshjet nuk do të mungojnë.
“Mëngjeset do të jenë me ngrica si pasojë e vlerave negative të temperaturave minimale, prandaj pjesëmarrësit në komunikacion duhet të kenë kujdes të shtuar.”, bën të ditur IHMK.
Më poshtë mund të gjeni parashikimin e motit nga e hëna në të premten:
-E hënë. Mot kryesisht i vranët dhe me reshje shiu të cilat vonë gjatë natës parashihen të shndërrohen në fjolla bore.Reshjet do të jenë të intensitetit të ulët deri mestar. Temperaturat minimale parashihen të lëvizin ndërmjet -3 deri -1 gradë Celsius, ndërsa maksimalet e ditës parashihen të lëvizin ndërmjet 3-5 gradë Celsius.Do të fryjë erë nga drejtimi i jugperëndimit e lehtë deri mesatare.
E martë –Mot kryesisht i vranët dhe vende-vende me fjolla bore. Temperaturat minimale do të lëvizin ndërmjet -2 deri -1 gradë Celsius, ndërsa maksimalet e ditës parashihen të lëvizin ndërmjet 1 deri 4 gradë Celsius. Do të fryjë erë nga jugperëndimi dhe veriperëndimi e lehtë deri mesatare.
E mërkurë. Mot me vranësira dhe intervale me diell. Temperaturat minimale do të lëvizin ndërmjet -6 deri -3 gradë Celsius, ndërsa maksimalet e ditës parashihen të lëvizin ndërmjet 3 deri 7gradë celsius.Do të fryjë erë e lehtë, kryesisht nga perëndimi .
E enjte-Mot kryesisht i vranët por relativisht i nxehtë. Temperaturat minimale do të lëvizin ndërmjet -1 deri 2 gradë Celsius, ndërsa maksimalet e ditës parashihen të lëvizin ndërmjet 7deri 12gradë Celsius. Do të fryjë erë kryesisht nga perëndimi dhe jugperëndimi me shpejtësi 1-6m/s,
E premte – Mot kryesisht i vranët dhe me reshje shiu e bore të intensitetit të ulët. Temperaturat minimale do të lëvizin ndërmjet 1-3 gradë Celsius, ndërsa maksimalet e ditës parashihen të lëvizin ndërmjet 4-6 gradë Celsius. Do të fryjë erë nga drejtimi perëndimit dhe jugperëndimit me shpejtësi 1-4m/s.
