Që nga mëngjesi i sotëm, pjesëtarët e policisë së Kosovës, po ndalojnë dhe kontrollojnë të gjitha automjetet që hyjnë në zonën dhe oborrin e Spitalit në Veri të Kosovës. Ky kontroll vjen pas paralajmërimi për një sulm të mundshëm në njërin nga spitalet në Kosovë, transmeton Kosova Post.
Zëvendës Drejtori i Policisë së Kosovës për Rajonin e Veriut, Besim Hoti, ka thënë për Kosova Online një aksion është duke u zhvilluar në të gjithë Kosovën.
“Policia u kontaktua nga një person i cili kërcënoi të sulmonte dikë në spital, por pasi që ky person nuk tregoi se kush ishte dhe në cilin qytet do të kryente sulmin, policia, për arsye parandaluese, po siguron spitalet në të gjithë Kosovën derisa ata zbulojnë më shumë informacion”tha Hoti.
Edhe përkundër masave të marra pas paralajmërimit për sulm të mundshëm në ndonjërin nga spitalet, drejtori i Spitalit në Veri të Kosovës, ka thënë se tek punëtorëte këtij institucioni nuk ka ndonjë shqetësim.
“Ne jemi punëtorë shëndetësorë, ne e bëjmë punën tonë. Punëtorët nuk janë të shqetësuar, sepse nuk ka asnjë arsye për këtë. Në fillim kishte dyshime derisa mësuam arsyen pse po kontrollohet çdo automjet që po hynë në zonën e spitalit, tani nuk ka panik as frikë dhe ne jemi këtu për të bashkëpunuar edhe me policinë, “tha Elek./Kosova Post/
