Abelard Tahiri nga Partia Demokratike e Kosovës ka bërë kritika ndaj kryeministrit Avdullah Hoti në interpelancën e këtij të fundit në Kuvendin e Kosovës.
Abelard Tahiri nga Partia Demokratike e Kosovës ka kritikuar veprimet e fundit të kryeministrit Avdullah Hoti. Sipas tij, Hoti është shfaqur jo transparent dhe dezinformues në lidhje me udhëtimin e fundit në Shtëpinë e Bardhë.
“Përgëzime për kryeministrin që sot e ka kaluar një ligj pas katër muajsh. Andaj, ky është një sukses I madh për ju. Është e vërtetë që është hera e katërt që raportoni për dialogun. Por, edhe herave të kaluara edhe tani transparencë nuk ka”, tha Tahiri.
“As deputetët e Kuvendit e as shoqëria nuk ka qenë në dijeni se po shkoni për të nënshkruar një marrëveshje. Keni qenë jo vetëm jo transparent por edhe dezinformues. Në fund, doli Mini Shengeni, iniciativë të cilën edhe ju vet e keni kundërshtuar duke e quajtur një Jugosllavi të vogël”, shtoi ai.lajmi.net
