Kryetari i Partisë Demokratike të Kosovës, Kadri Veseli, ka bërë të ditur se subjektit që ai drejton, iu janë bashkuar rreth 60 kuadro profesionistë të Prizrenit.
Sipas tij kjo është dëshmi që PDK është e hapur dhe mirëpret pjesëtarë të të gjitha segmenteve të shoqësirë, të cilët duan të punojnë për vendin, njofton Klan Kosova.
”Partia Demokratike e Kosovës është parti e hapur që mirëpret pjesëtarë të të gjitha segmenteve të shoqërisë, të cilët dëshirojnë të bëjnë diçka për vendin. Këtë gjë e dëshmon më së miri aderimi i rreth 60 kuadrove profesionistë të Prizrenit, të cilët e shohin partinë tonë si rrugën më të mirë për të kontribuar për Kosovën”.
”Gjatë takimit me ta i falënderova për besimin e dëshmuar dhe u shpreha se me prurje të tilla cilësore, PDK-ja ka për t’u rikthyer së shpejti si parti fitimtare në Kosovë”.
Sipas Veselit, PDK po vazhdon të tregojë modelin dinjitoz perëndimor opozitar demokratik, ndryshe nga sjelljet konfliktuoze që ofronin subjektet tjera, njofton Klan Kosova.
”Gjatë qëndrimit në opozitë, PDK-ja është duke treguar një model dinjitoz perëndimor opozitar i proaktivizmit dhe konstruktivizmit, ndryshe nga sjelljet konfliktuale obstruktive dhe të dhunshme që kanë manifestuar partitë e tjera kur kanë qenë në opozitë”.
”Pjesë e reformës së brendshme të PDK-së është ripërtëritja e strukturave me kuadro të rinj, profesionistë të suksesshëm e patriotë që po i sjellin partisë energji, pastërti e ide të reja”.
