Ministrja e Drejtësisë, Albulena Haxhiu, njoftoi se ka përfunduar seanca e Komisionit të Venecias, ku janë votuar dy opinione ligjore të rëndësishme për Kosovën, përcjell KosovaPost.
Këto opinione kanë të bëjnë me procesin e vettingut në sistemin e drejtësisë dhe projektligjin për byronë për konfiskimin e pasurisë së pajustifikueshme.
“Pas votimit të opinioneve nga Komisioni i Venecias për vettingun në sistemin e drejtësisë dhe projektligjin për byronë për konfiskimin e pasurisë së pajustifikueshme”, shkroi Haxhiu në Facebook.
Qeveria e Kosovës, përkatësisht Ministria e Drejtësisë, ka kërkuar vitin e kaluar nga Komisioni i Venecias një opinion ligjor mbi Koncept Dokumentin për Vettingun, ndërkaq sivjet kryetari i Kuvendit të Kosovës, Glauk Konjufca, ka kërkuar opinionin mbi Projektligjin për Byronë Shtetërore për Verifikimin dhe Konfiskimin e Pasurisë.
Postimi i plotë:
Pas votimit të opinioneve nga Komisioni i Venecias për vetingun në sistemin e drejtësisë dhe projektligjin për byronë për konfisikimin e pasurisë së pajustifikueshme ⚖