Qytetarët e 21 komunave të Kosovës u janë drejtuar sot për herë të dytë kutive të votimit për të zgjedhur kryetarët e ardhshëm.
E këtij procesi i janë nënshtruar edhe të burgosurit. Ku tashmë në të gjitha Institucionet Korrektuese ka përfunduar procesi i votimit të të burgosurve.
Kështu ka bërë të ditur zëdhënësi i SHKK-së, Florent Gashi, raporton telegrafi.“Ka përfunduar procesi i votimit të të burgosurve në të gjitha Institucionet Korrektuese. Sipas listave të KQZ-së, të drejtë vote kanë pasur gjithsej 736 të burgosur, prej tyre të drejtën e votës e kanë shfrytëzuar 397 të burgosur, ndërsa 339 të burgosur kanë refuzuar”, ka thënë Gashi.
