Përgjigje e papritur e LDK-së, PDK-së, Abdixhiku Hoxhajt: Na paska ‘këshillua’” njëri nga 40 nënkryetarët e PDK-së

Përgjigje e papritur e LDK-së, PDK-së, Abdixhiku Hoxhajt: Na paska ‘këshillua’” njëri nga 40 nënkryetarët e PDK-së

Deputeti i LDK-së, Lumir Abdixhiku, i është kundërpërgjigjur zëvendëskryetarit të PDK-së, Enver Hoxhaj, i cili, ky i fundit, ka akuzuar sot LDK-në se është në gjumë të thellë dhe se po sillet si parti ekstreme duke i ngjarë VV-së, raporton Kosova Post.

Në fakt, janë të njohura përgjigjet thumbuese dhe me përmbajtje të Abdixhikut. Ai përmes një postimi në Facebook, ka thënë se “Janë aktivizuar të gjithë; me këshilltarë, nënkryetarë e kryetarë. Analiza e psiko-analiza për LDK-në”.

Më poshtë lexojeni postimin e plotë të Abdixhikut:

“Vazhdon ligjërimi ndaj LDK-së. Këtë herë na paska “këshilluar” njëri nga 40 e sa nënkryetarët e PDK-së. Se i kanë rregulluar punët e veta mosvet.

Janë aktivizuar të gjithë; me këshilltarë, nënkryetarë e kryetarë. Analiza e psiko-analiza për LDK-në. Si të veprojmë, si të sillemi, si të votojmë – taman për qejf të tyre. Çka do të bënim ne vallë pa ta?

Vetëm një hall i madh i aktivizon të tillët kështu. Veç një kompromis i rëndë me Serbinë i bën kaq aktiv – gjithsesi patetik. LDK e ka të qartë rrugën e vet. Edhe për dialog, edhe për shtet edhe për konsensuz politik. Mbi të gjitha LDK ka njerëz mjaftë që i dalin të zot në mendim e veprim. Për mendime të huaja s’kemi vend.

Gjithsesi të njejtat mund t’i përdorni lirshëm në udhëheqjen e partisë nga vendi i tretë. Aty të njëjtat ju kanë sjellë”, ka shkruar Abdixhiku.

Reagimi i deputetit të LDK-së vjen pas akuzave të zëvendëskryetarit të PDK-së, se LDK po e shmang pjesëmarrjen në procesin e bisedimeve me Serbinë, shkruan Kosova Post.