Përpara ndeshjes me Zvicrën në Kampionatin Botëror që po mbahet në Katar, ka shpërthyer një skandal në kampin e Serbisë, raporton 24sata.hr.
Sipas mediumit kroat, aty bëhet fjalë për një mori incidentesh dhe duket se atmosfera në zhveshtoren serbe ka eskaluar dhe rrallë mund të shihet tek ndonjë ekip tjetër apo të dëgjohet.
Përmes burimeve të tyre, 24sata.hr, ka mësuar se dyshohet për lidhje të supozuara intime të disa lojtarëve serbë me të dashurat e bashkëlojtarëve.
Pas barazimit me Kamerunin në xhiron e dytë të Kupës së Botës në Katar (3-3), pakënaqësi të mëdha ka në ekipin serb të futbollit.
Kalimi në raundin e 1/8-ës së finales tani varet nga fitorja kundër Zvicrës, ndërsa Kameruni nuk duhet të mundë Brazilin (në atë rast do të vendoste diferenca e golave).
Sipas burimeve të tyre pranë ekipit serb, mësohet se situata përveç krizës së rezultateve është e tensionuar edhe për shkak të akuzave të dyshuara për një skandal seksual.
Mesazhe po qarkullojnë për gjoja marrëdhënie intime mes disa lojtarëve me të dashurat apo gratë e lojtarëve të tjerë, të cilat dyshohet se kanë çuar në një sherr në stërvitje.
“Ka një kaos të përgjithshëm, të gjithë flisnin vetëm për këtë”, ka thënë burimi i 24sata.hr.
Federata e Futbollit të Serbisë si çdo herë kur flitet për amoralitet apo provokim, tentojnë të heshtin dhe të mbulojnë këto skandale të ekipit të tyre që nuk janë të rralla.
