Një rrahje u raportua të ketë ndodhur dje në Graçanicë e ku lëndime të rënda trupore mori djali i politikanit serb, Nenad Rashiq.
Nikolla Rashiq, djali i Nenad Rashiq u raportua të jetë rrahur nga tetë persona të dyshimtë derisa po dilte nga shkolla ku edhe ndjek mësimet.
Ndërsa nga Policia e Kosovës sot është raportuar lidhur me rastin ku edhe u tha se i njëjti është dërguar për tretman mjekësor, ndërsa janë arrestuar shtatë persona të dyshimtë.
“Shkolla “Miladin Mitic”, 22.02.2021 – 10:30. Raportohet se ka ndodhur një rrahje masive në oborrin e shkollës, ku janë të përfshirë nxënësit e shkollës dhe disa persona të tjerë. Si pasojë e rrahjes, viktima mashkull kosovar ka pësuar lëndime trupore dhe është dërguar për tretman mjekësor në Spitalin e Graqanicës. Janë arrestuar shtatë të dyshuar meshkuj kosovarë dhe me vendim të prokurorit të njëjti janë dërguar në mbajtje”.
