Sekretari i Shtetit në SHBA, Mike Pompeo, ka thënë se i kanë larguar kufizimet e kontakteve në mes të diplomatëve të Tajvanit me ata të SHBA-së.
Në një deklaratë të Departamentit të Shtetit të SHBA-së thuhet se këto kufizime ishin vendosur dekada më parë për ta “qetësuar” Qeverinë e Kinës, e cila paraqet pretendime për ishullin.
Këto rregulla tani janë të pavlefshme. Kjo masë ka mundësi ta zemërojë Kinën dhe të rrisë tensionet mes Washingtonit dhe Pekinit.
Ky vendim i ri në SHBA vjen në ditët e fundit të administratës Trump dhe në prag të ditëve të inaugurimit të Joe Biden, si president i ri.
Ekipi i Biden ka thënë se presidenti i zgjedhur është i përkushtuar për të ruajtur politikën e mëparshme ndaj Tajvanit, shkruan BBC./kk
