Në seancën e sotme parlamentare është bashkuar me anë të një videomesazhi edhe presidenti i Bosnje Hercegovinës Shefik Xhaferoviq.
“Vetëm disa ditë pas 11 korrikut të 1995 njësitë e ushtrisë Srpska vranë mbi 8000 burra dhe djem. Siç konstatohet dhe nga vendimet e Gjykatës së Hagës i gjithë operacioni u krye nën urdhrat e dhe mbikëqyrjen e udhëheqjes politike dhe ushtarake të Republikës Srpkska.
Veprimi i tyre shqetësoi ndërgjegjen e njerëzimit dhe vuri në dukje pasojat katasrofike të komunitetetit ndërkombëtar, i cili në mënyrë pasive për 3 vite vëzhgoi rrethimin e Srebenicës “zonën e sigurt të SHBA-së”. Tragjedia e Srebenicës është bërë një simbol planetar i vuajtjes dhe krimit në epokën moderne”, tha ai.
Sipas presidentin boshnjak miratimi i projektrezolutës për masakrën e Srebenicës në Kuvendin e Shqipërisë është “një akt shumë i rëndësishëm dhe thelbësor për të gjithë Ballkanin Perëndimor”.
“Republika e Shqipërisë dhe Bosnje Hercegovina janë vende të afërta dhe jashtëzakonisht miqësore me njëra-tjetrën. Vendet tona kontribuojnë në krijimin e një mjedisi paqësor dhe demokratik. Popujt tanë tha ai janë të lidhur ngushtë me ngjarje historike, kulturore dhe përgjithësisht njerëzore”.
“Aktin në Kuvendin e Shqipërisë e shoh si një veprim drejt një të ardhmjeje europiane dhe demokratike,” e mbylli ai fjalimin.
