Presidentja e Republikës së Kosovës, Vjosa Osmani e ka dënuar vendimin e homologut të saj rus, Vladimir Putin, i cili i ka nënshkruar dekretet për t’i aneksuar tri regjione të Ukrainës, përcjell KosovaPost.
“Rrëmbimi ilegal i tokës nga ana e Putinit në territorin ukrainas i bazuar në ‘referendume’ mashtruese dhe përdorimi i forcës janë shkelje absolute e ligjit ndërkombëtar”, ka shkruar Osmani në Twitter.
“Rusia dhe përfaqësueset e saj janë kërcënimi më i madh ndaj paqes dhe kjo duhet të ndalet dhe të sanksionohet edhe më shumë. Kosova dhe aleatët demokratë do të qëndrojnë gjithmonë me Ukrainën”, ka shkruar Osmani.