Zotëriu i Parë i shtetit, Prindon Sadriu në një deklaratë të bërë të hënën, i ka quajtur mediat në vend si ‘ndërmarrje e përbashkët kriminale’, përcjell KosovaPost.
E deputeti i PDK-së, Xhavit Haliti, i cili është edhe anëtar i Komisionit për Punë të Jashtme ka thënë për Periskopin se gjykatat janë vendet që duhet të zgjidhen këto çështje.
Prindon Sadriu që është shef i misionit diplomatik të Kosovës në Maqedoninë e Veriut, ka sulmuar mediat (dhe nuk është hera e parë) të cilat i quajti ndërmarrje kriminale.
Meqë Sadriu mbanë pozitë diplomatike do të duhej që Komisioni për Punë të Jashtme të reagonte, por deri më tani nuk ka asnjë reagim. I vetëm ishte deputeti Xhavit Haliti, që është pjesë e këtij Komisioni.
Haliti ka thënë se në demokraci problemet duhet të zgjidhen në gjykata.
“E drejta e fjalës në demokraci është e barabartë për të gjithë. Mendoj që s’është privilegj vetëm i gazetarëve. Në demokraci, kontestet zgjidhen në gjykata, përmes debateve publike në medie etj… komisioni parlamentar për politikë të jashtme nuk ka kompetenca me gjykuar askënd nëse dëshironi të keni përgjigje nga Komisioni drejtojuni zyrtarisht dhe me siguri do merrni përgjigje”, ka thënë ai.
Me tej, Haliti ka përmendur se Prindon Sadriu ishte shkarkuar nga kryetarja e Kuvendit të Shqipërisë.
Gjuha e Sadriut është dënuar nga Asociacioni i Gazetarëve të Kosovës dhe anëtarë e organizata të ndryshme joqeveritare.