Sipas raportit 24 orësh të Policisë së Kosovës, një person është gjetur e vdekur brenda kuzhinës së një lokali në Prishtinë, transmeton Kosova Post.
Rasti ka ndodhur gjatë ditës së djeshme rreth orës 08:15 në mëngjes, saktësisht në rrugën “Isa Kastrati” në kryeqytet.
Raporti i plotë i policisë:
Rr. Isa Kastrati, Prishtinë 01.10.2021 – 08:14. Është raportuar se viktima femër kosovare ishte gjetur pa shenja jete brenda në kuzhinën e një lokali. Njësitë policore dhe ekipi mjekësor kanë dalë në vendin e ngjarjes, ku dhe është konstatuar vdekja e viktimës. Me urdhër të prokurorit trupi i pajetë i viktimës është dërguar në IML për obduksion, rasti vazhdon të hetohet.