Rastet kur Policia e Kosovës arreston persona të cilët merren me shitblerje të narkotikëvë nuk janë të pakta në vendin tonë. Një rast i tillë ka ndodhur dje rreth orës 22:50 në Prishtinë, raporton KosovaPost.
Sipas informacioneve të para nga Policia, bëhet e ditur se i dyshuari lidhur me rastin ka qenë me veturë të cilën e ka kontrolluar njësiti policor dhe gjatë kontrollit në ulësen e veturës së tij është gjetur një qese e mbushur me substancë narkotike e llojit marihuanë.
Pesha e substancës narkotike ka qenë 3.8 gram, ku përveç saj është sekuestruar edhe një telefon dhe 40 euro të gatshme.
Lidhur me rastin, Policia ka kryer edhe një kontroll në shtëpinë e të dyshuarit, ku janë gjetur dhe konfiskuar 228.3 gram substancë e dyshuar e llojit marihuanë.
Me vendim të Prokurorit të Shtetit i dyshuari është dërguar në mbajtje./KosovaPost/
