Dje dhe sot në mëngjes kemi pranuar informacione dhe ankesa nga disa qytetarë të Prizrenit, ku para disa ditëve në zonën malore e quajtur “Pasha Çeshme”, në të cilën është duke u hapur një rrugë nga Kalaja e Prizrenit deri në Pasha Çeshme, përcjell Kosova Post.
Janë marrë ankesa se janë kryer punime në në zonën pyjore, janë prerë pemët dhe është dëmtuar mjedisi pyjor.
Deri më tani Komuna e Prizrenit dhe institucionet përkatëse nuk kanë njoftuar opinionin lidhur me këtë çështje.
Presim nga institucionet që të japin sqarime sa më parë se cili është qëllimi i kësaj pune; nga kush është realizuar, si dhe të merren masat e menjëhershme për ndërprerjen e punimeve të cilat e degradojnë mjedisin pyjor dhe malor.
Partia Turke e Lëvizjes Novatore në Prizren (YTHP), ka informuar me një komunikatë të publikuar në faqën zyrtare lidhur me këtë degradim, ku thuhet se: “Çdo veprim i paligjshëm që dëmton natyrën, mjedisin dhe gjelbërimin duhet të dënohet.
Ftohen dhe kërkohet nga të gjithë organet kompetente që kjo çështje të ndiqet sa më shpejt dhe të nisin procedime ligjore ndaj personave fizik apo juridik./KosovaPost/
