Profili i ‘kubanezit’, hakerit shqiptar që ngriti në këmbë FBI-në

Profili i ‘kubanezit’, hakerit shqiptar që ngriti në këmbë FBI-në

Aldo Ymeraj, 24-vjeçari nga Fieri që ngriti në këmbë FBI-në, pasi ishte pjesë e një rrjeti të madh hakerash të shpërndarë në të gjithë botën dhe që shisnin të dhëna të vjedhura të kartave të kreditit, njihet shumë pak në qytetin e tij të lindjes.

Burime të “News 24” thonë se Aldo ishte një tip i mbyllur dhe i vetmuar, madje shumë pak e shihnin edhe në lagjen “Konferenca e Pezës” ku jetonte, pasi pjesën tjetër të kohës e kalonte në internet.

Ai kishte studiuar për 4 vjet në shkollën artistike “Jakov Xoxa”, për pikturë, por askush nuk e di nëse ishte edhe në këtë fushë gjeni, si në atë të kinerbetikës.

Të njëjtat burime saktësojnë se Aldo kishte prindër të divorcuar, dhe jetonte vetëm me nënën. Por duke qënë se i ati ishte pronar i një shtypshkronje në Fier, Aldo punonte herë pas here edhe për të.

Ndërsa ende nuk është e qartë se si përfundoi mes grupit të shumëkërkuar nga FBI që akuzohen se kanë përvetësuar nëpërmjet marifeteve të internetit 530 milionë dollarë, fqinjët tregojnë se i riu dilte shpeshherë jashtë shtetit, në Kosovë, Itali dhe Gjermani.

Sipas fqinjëve, Aldo ka një gjendje ekonomike të zakonshme, madje thuhet të jetë ndaluar edhe në 2013-ën kur ishte vetëm 20 vjeç.

Pas arrestimit të tij është marrë në pyetje nga policia e Fierit edhe nëna e tij, me profesion ekonomiste.

PSEUDONIMI

Në rrjetin ku ai bënte pjesë, “In fraud we trust”, 25-vjeçari njihej me epitetin “Kubanezi”. Aldo Ymeraj u prangos teksa po pinte kafe në një lokal në Tiranë për llogari të një flete arresti të lëshuar nga Shtetet e Bashkuara të Amerikës, që drejtuan në të njëjtën kohë një operacion disa shtetësh për të goditur hakeruesit që besohet se kryenin krime kompjuterike që prej 2010 .

Grupi ku Aldo Ymeraj ishte pjesë ka mundur të vjedhë 530 milionë dollarë, që përvetësoheshin përmes shitjes së të dhënave të vjedhura të kartave të kreditit. Por i riu nga Fieri që prej arrestimit nuk ka thënë asgjë për autoritetet shqiptare ndërkohë që pritet që ai ti dorëzohet drejtësisë amerikane. Përveç Ymerajt janë edhe 12 të tjerë të arrestuar në Kosovë, Serbi, Itali, Francë, Shtetet e Bashkuara, Australi dhe Britani. Grupi mendohet se është themeluar nga 34-vjeçari ukrainas Svatoslav Bondareko i njohur me nofken “Rektori”, por vendndodhja e tij nuk është zbuluar ende. Nga ana tjetër, rusi Sergei Sergejeviç që mendohet se është njëri nga bashkëpuntorët e tij më të ngushtë u arrestua gjatë pushimeve në Tajlandë. /bw/.

Related Posts

You may also like

Çaji me banane për një gjumë të qetë

Gjumi është aq i rëndësishëm për shëndetin tuaj